Guli Miðinn Kvennablómi 120 hylki

Kvennablómi er sérhönnuð uppskrift með völdum virkum efnum sem gegnum tíðina hafa reynst ákaflega vel fyrir konur á breytingaskeiði. Við höfum fengið mikið af jákvæðum reynslusögum frá konum sem kunna að meta þessa vöru og hvernig hún hefur hjálpað þeim. 

Vörunúmer: 10056265
+
4.641 kr
Vörulýsing

Nýlega var forminu breytt þannig að nú er Kvennablóminn kominn í hylki eða belgi með virku efnunum í vökvaformi sem er m.a. betra vegna þess að mörg af þessum virku efnum vinna betur í vökvaformi og svo á líkaminn auðveldara með að nýta það og upptaka verður fljótari og áhrifameiri.

Kvennablómi inniheldur eftirfarandi virk efni sem hafa m.a. þessi áhrif:
Soja ísóflavonóíð innihalda ísóflavónóíðin. Rannsóknir benda til að Soja ísóflavonóíð hafi jákvæð áhrif til lækkunar á háu kólesteróli og hefur verið notuð með góðum árangri við svitakófum hjá konum á breytingaraldri. Þá er talið að þau virki verndandi fyrir æðar, tempri blóðsykur og styrki bein.

Dong Quai jurtin er þekkt í kínverskri læknisfræði fyrir blóðrennslisörvandi eiginleika. Á vesturlöndum er hún mest notuð af konum, þá helst sem styrkjandi jurt vegna vandamála frá móðurlífi. Kínverskir læknar þekkja eiginleika jurtarinnar til að styrkja leg og koma jafnvægi á hormónaefnaskipti kvenna. Mælt er með jurtinni fyrir konur vegna þrauta tengdum breytingarskeiði, einnig til að efla konum þrótt. Jurtina þarf að nota í allt að 6 – 8 vikur, áður en áhrif hennar skila sér til fulls.

Wild Yam inniheldur jurtaprógesteronlíka hormóna, er því mikið notuð við óþægindum breytingarskeiðsins. Hún er bólgueyðandi og verkjastillandi og gagnast því vel við gigt hún er einnig vökvalosandi. Þessi jurt er sérstaklega góð við krömpum í maga. Hún getur haft góð áhrif gegn nætursvita.

Salvía hefur estrogena virkun og hefur því gefist vel við þrautum breytingaskeiðsins. Hjálpar gegn hitakófum.

Náttljósarolía. Fræ þessa blóms eru ein besta náttúrulega uppspretta gamma-línólensýru. Þetta er önnur af tveimur flokkum fitusýra sem eru lífsnauðsynlegar fyrir líkamann, rétt eins og vítamín. Rannsóknir benda til að inntaka náttljósarolíu gagnist konum á breytingarskeiði, m.a. að það bæti nýtingu kalks og hafi hormónajafnandi eiginleika. Hún hjálpar líka til við að halda húðinni unglegri og sléttri.

Drottningarhunang (Royal Jelly) Reynslan hefur sýnt að notkun drottningarhunangs hefur gefist mörgum konum vel við fylgikvillum breytingarskeiðsins.

Vítamín og steinefni í Kvennablóma er nauðsynlegt til að tryggja líkamanum nægilegt magn af kalki og magnesíum á þessu tímaskeiði í lífi kvenna og einnig er mikilvægt að fá nóg B-6 og E-vítamín.