Hvað hefur Ultra Macular™ fram yfir önnur augnvítamín?
Samsetning Ultra Macular™ er byggð á niðurstöðum nýjustu rannsóknar á þessu sviði, AREDS 2.
- Ekkert Beta Carotene (sem í undantekningartilvikum getur valdið skaða)
- Zink minnkað til að hlífa meltingarvegi
- Inniheldur andoxunarefnið lycopene
- Aðalbláber styðja við nætursjón
- Fullkomin samsetning 16 fjölvítamína og steinefna (100% RDS)
- B12 vítamín (500% RDS) bætir orku
Ultra Macular™ uppfyllir þau skilyrði sem sett eru til að standast þá þætti sem AREDS 2 rannsóknin skilgreinir. Þessi rannsókn hefur brotið blað í fyrirbyggandi meðferðarmöguleikum þar sem sérstaklega hefur verið lagt upp úr réttum hlutföllum andoxunarefna og vítamína til að ná sem bestum árangri. Ultra Macular™ er gæðaaugnvítamín, sérhannað til að stemma stigu við augnbotnahrörnun og að auki fjölvítamín í samræmi við ráðlagða dagskammta (RDS) allra nauðsynlegustu vítamína og steinefna. Til viðbótar við fyrirbyggjandi meðferð við augnbotnahrörnun er hér um heildarstoð við líkamann að ræða, engin þörf er á því að kaupa önnur vítamín, gagnstætt mörgum öðrum augnvítamíntegundum.
Hvað er aldursbundin augnbotnahrörnun?
Aldursbundin augnbotnahrörnun (hér eftir kallað AA) er algengasta orsök blindu og sjónskerðingar hjá fólki yfir sextugu á Vesturlöndum.
Mikilvægi heilbrigðrar sjónhimnu
Sjónhimna okkar klæðir auga okkar að innan. Makúla kallast það svæði sjónhimnunnar þar sem skarpa sjónin býr. Guli litur hennar dregur nafn sitt af þremur andoxunarefnum, lúteini, zeaxanthin og meso-zeaxanthin sem verja augað meðal annars með því að draga í sig hættulega útfjólubláa geislun.
Þessi andoxunarefni draga einnig úr áhrifum frjálsra stakeinda (free radicals) úr umhverfinu, s.s. úr mengun.
Hvað orsakar eða stuðlar að AA?
- Öldrun
- Erfðir
- Hár blóðþrýstingur
- Reykingar
Sólargeislun
Hver eru helstu einkenni AA?
- Versnun á sjón, hæg eða skyndileg
- Bjögun á línum (ljósastaurar verða hlykkjóttir)
- Grár blettur í miðju sjónsviðs
Aldursbundna augnbotnahrörnun er stundum hægt að meðhöndla með inndælingu lyfja eða lasermeðferð. Mikilvægt er að einstaklingar með þennan sjúkdóm komi reglubundið í augneftirlit.
Hvað er Ultra Macular™ ?
Ultra Macular™ er sérhannað í góðri samvinnu við augnlækna til þess að hægja á þróun AA á sama tíma og það inniheldur fjölvítamín sem nýtist öllum líkamanum.1
Ultra Macular™ byggir á niðurstöðum nýjustu NIH (National Institute of Health) rannsóknarinnar á þessu sviði, AREDS 2, sem sýndi fram á að sú einstaka samsetning andoxunarefna sem hér um ræðir minnki líkur um 25% á að augnbotnahrörnun þróist yfir á lokastig.1
Hverjir ættu að taka Ultra Macular™?
Inntaka Ultra Macular™ er mjög einföld, aðeins 2 hylki á dag. Allir sem þjást af augnbotnahrörnun ættu að íhuga að taka inn Ultra Macular™ til að fyrirbyggja frekari framgöngu sjúkdómsins og þar með sjónskerðingu. Við hvetjum þig jafnframt til að fara reglulega til augnlæknis.